عاوزة أكون معاك براي ساعة مغيب جنب البحر
مافي غيرنا .. انت وانا ... ويبقى تالتنا السكون ...
الموج بيهمس بحنان لضفته ... ويذكرها ...
انو لازم تنمسح آثار مشينا من الرمال .. عشان نعود مرة تانية ونطبعها ...
وتسرح الموجات ورانا تمحي آثار الخطاوي
تأسر أسرار الغناوي .. والحكاوي ...
تشيلها ترجع بيها جوة .. وتنتظر ...
يمكن الايام تعيدنا ..
عاوزة أكون معاك براي ساعة بلوغ الظلمة أقصى مقاصدها ...
في حوش وسيع ..سقفه السما ...
نوره النجوم قاعدة فوقنا بهية لامعة تغمز عيونها كل حين ...
الريح توشوش للشجر بسرنا ... ويشهد الليل والقمر ...
عاوزة اكون معاك براي ساعة سحر ...
لما الشمس تخلع جلابيب السواد .. وتتعرى لدنيا البشر ..
واسمع أصوات الطيور تهجر أعشاشها وتفرّ ...
وأبدا اسرح في السويعات المقبلة من زماني وانت مافي ...
عاوزة اكون معاك براي ساعة المطر ينزل رشاش ...
والدنيا كلها تبقى فايحة بريحة الدعاش ...
اجري وانط ... اقع اتزلق .. زي طفلة مليانة اندهاش ...
املاك طين .. تملاني طين ... نلعب سوا وننسى اننا ناس كبار وحرمنّا نلعب من سنين ...
عاوزة اكون معاك براي ساعة ضحى ...
والضل بيساسق في الحيط عاوز يمشي ...
احنا بنباريه نجري وراه نترجاه بس يستنى ويمهلّنا شان الونسة في الضحوية طاعمة ضمّة ...
عاوزة اكون معاك براي ساعة تجلّي ...
لما اللسان ينسى الكلام ...
لما الحروف تعصى أمرك وتعصى أمري ...
لما الإشارة من العيون الجنننّي ...
تبقى لهجة بسيطة ساهلة وماها غافلة عن حروف الضمّ ... وجرّي ..
عاوزة اكون معاك براي ساعة وجع ....
لما الأنين يصبح لغة ...
لما الشفايف تنسى طعم الابتسام ...
لما المرار يسكن الجوف والعضام ...
لما الدموع الفي الخدود تبقى مرسال الحزن ...منتظرة أيدك تمسحها وتقلع السبب المعافر ..
توقف المحراث يحفّر في جروحي ...
وتردم الهوة العميقة جوّة روحي ...
عاوزة اكون معاك براي ساعة فرح ...
لما الضحك يبقى الصدى لصوتك انت ...
لما القلب يبقى زي ورد الربيع ... مليان ندى ..
لما الهموم تنزاح بعيد وتجيني انت في آخر المدى ..
شايل بيوت مبنية في عمق الخيال ..
مسكونة بفرح العيال ...
معروشة باحلام وفال ...
الموج بيهمس بحنان لضفته ... ويذكرها ...
انو لازم تنمسح آثار مشينا من الرمال .. عشان نعود مرة تانية ونطبعها ...
وتسرح الموجات ورانا تمحي آثار الخطاوي
تأسر أسرار الغناوي .. والحكاوي ...
تشيلها ترجع بيها جوة .. وتنتظر ...
يمكن الايام تعيدنا ..
عاوزة أكون معاك براي ساعة بلوغ الظلمة أقصى مقاصدها ...
في حوش وسيع ..سقفه السما ...
نوره النجوم قاعدة فوقنا بهية لامعة تغمز عيونها كل حين ...
الريح توشوش للشجر بسرنا ... ويشهد الليل والقمر ...
عاوزة اكون معاك براي ساعة سحر ...
لما الشمس تخلع جلابيب السواد .. وتتعرى لدنيا البشر ..
واسمع أصوات الطيور تهجر أعشاشها وتفرّ ...
وأبدا اسرح في السويعات المقبلة من زماني وانت مافي ...
عاوزة اكون معاك براي ساعة المطر ينزل رشاش ...
والدنيا كلها تبقى فايحة بريحة الدعاش ...
اجري وانط ... اقع اتزلق .. زي طفلة مليانة اندهاش ...
املاك طين .. تملاني طين ... نلعب سوا وننسى اننا ناس كبار وحرمنّا نلعب من سنين ...
عاوزة اكون معاك براي ساعة ضحى ...
والضل بيساسق في الحيط عاوز يمشي ...
احنا بنباريه نجري وراه نترجاه بس يستنى ويمهلّنا شان الونسة في الضحوية طاعمة ضمّة ...
عاوزة اكون معاك براي ساعة تجلّي ...
لما اللسان ينسى الكلام ...
لما الحروف تعصى أمرك وتعصى أمري ...
لما الإشارة من العيون الجنننّي ...
تبقى لهجة بسيطة ساهلة وماها غافلة عن حروف الضمّ ... وجرّي ..
عاوزة اكون معاك براي ساعة وجع ....
لما الأنين يصبح لغة ...
لما الشفايف تنسى طعم الابتسام ...
لما المرار يسكن الجوف والعضام ...
لما الدموع الفي الخدود تبقى مرسال الحزن ...منتظرة أيدك تمسحها وتقلع السبب المعافر ..
توقف المحراث يحفّر في جروحي ...
وتردم الهوة العميقة جوّة روحي ...
عاوزة اكون معاك براي ساعة فرح ...
لما الضحك يبقى الصدى لصوتك انت ...
لما القلب يبقى زي ورد الربيع ... مليان ندى ..
لما الهموم تنزاح بعيد وتجيني انت في آخر المدى ..
شايل بيوت مبنية في عمق الخيال ..
مسكونة بفرح العيال ...
معروشة باحلام وفال ...