برضه باديك ارتياحي

يا المكمّل ..

يا الحسين في طبعو يا سيد القوافي ...

أعرف اني ليك انت.. نبع صافي ..

مدينة هادئة..نايمة في حضن المرافئ...

حرّي لافح ...من نفس طالع بيحرق كل مسافات البعاد..

ريحي هادر ..

ماشي شايل الذكريات ...

وراجي بكرة ...

منتظر غيمتك تمر ...

تطفي نار الشوق وتسقي...

بيني بينك ... مافي ساتر ...

بيني بينك ... حلم حاير ...

وعد منسوج بخيوط حرير ...وموج بشاير ...

شوق سنينك هو زادي ...

وريدك الجواي عذابي...

أنا مسكونة بجنونك..وشايلة كونك ...

بس تأكد اني حاوفي ...

وبرضه باديك ارتياحي...