محاولات شعرية باللهجة السودانية العامية

هم وجع البعاد

سيدي يا سيد الاسم ...

خليني اشرح ليك واقول ..

شوق السنين حرق الدروب ..سرق الفرح ..

طمس الافق ..وخلى ليلي بدون صباح..

وجع البعاد ..صمت المسافات الطويلة البيني بينك...

خلى طيفك في الخيال وفي اي شئ ..

حاولت اهرب مني فيك...

حاولت اوفي بوعدي ليك ..

حاولت اكون ما اي شئ ..

بس كيف اكون ما اي شئ ...

وهم الوجع عندي البعاد..
كتير باسال ...

ليه عيونك صادة غادي وما بتشوف ؟؟

كتير باسال ...

منو الكفيف ؟؟؟

عميان عيون ؟؟ ولا العنيد الخاتي في قلبه ستارة ؟؟

كتير باقول

لما الضلام يزرع طيوفه في المدى ... خلي القمر يبقى الدليل ...

ارجع واقول ...كيف القمر يبقى الدليل...وهو ذاته ضلم من وجع مالي الحشا وسادي الطريق؟؟

..احساسي بيك لو تعرفه ...

احساس غريب ...

انت جواي زي مدينة بدون حدود ..

زي محيط ما ليه ساحل ..

زي فرح جوة الدواخل ..

مهمومة بيك ..و خايفة ليك ..

غناك هواي ..صوتك دواي ...

ووعدي بيك فرحة صباي ...

وحقي فيك ..انك معاي ..

ولو قسيت وعلّي جفيت ..

دة يوم شقاي ..

ما قلت ليك قبال كدة ..

هم الوجع عندي البعاد...