محاولات شعرية باللهجة السودانية العامية

أنا ابقى كيف بدون وجودك ؟؟

أنا امشي وين منك انت ومن جنونك ؟؟ ...

انا ابقى كيف غيرك انت بدون وجودك ؟؟ ...

يا همسة تايهة بين عروقي وبين عيونك ...

يا نظرة دايبة فيها شوقي ممزوج بحنينك ...

يا امل فرهد وعبّى كل اعطافي بشجونك ...

يا مدار سارح مداه .. وما هو ناسي .. كيف يكون كوني بلاه ..

يا دواية ... يا حرف خلى القراية ...

يا اهازيج حلوة طاعمة .. طالعة من جوف الحكاية ..

يا صبر شيلته همي .. ودارى جرحي من المرايا ...

يا حلم نساني حزني وخلى صحوي ساهي مني وما معايا ..

يا صديق .. يا رفيق .. يا رقيق ..

يا خلية محكّرة ما بتشبه أصناف الخلايا ..

يا فصيلة مميزة لونها اسمر ...
أو يمكن اخضر .
ولا اصفر مخلوط باحمر ..

ليك ودادي يا عماد حرفي ومدادي ...